Rusiyanın “Aviasales” xidməti vətəndaşların bu il daha çox hansı ölkələrdə istirahət etdiyini araşdırıb.

Novator.az-ın məlumatına görə, mütəxəssislər Rusiyadan 185 ölkəyə təyyarə biletlərinin sifarişi statistikasını araşdırdılar. Tədqiqat göstərib ki, rusiyalı turistlər Tailand, İndoneziya, Vyetnam, Filippin, Malayziya, Kamboca, Laos və Myanmaya 14 günlük səfərlər edirlər.

Bəzi rusiyalıların Fici, Kamerun, Paraqvay, Honduras və Ruandada iki həftəlik məzuniyyət keçirdiyi bildirilir.

Rusiyalıların Monteneqro, Özbəkistan, Bolqarıstan, ABŞ, Çin, Misir, Yaponiya, Maltaya, Maldiv və Seyşel adalarına 10-14 günlük səfərlər etdiyi vurğulanır.

Hesabata əsasən, rusiyalı turistlər İtaliya, Fransa, Almaniya, İspaniya, Yunanıstan, Böyük Britaniya, Portuqaliya, Serbiya, Xorvatiya və İslandiyaya, həmçinin Honkonq, Makao, Qrenada, Küveyt, Oman və Tayvana da 7-10 günlük uçuşlar edir.

“Aviasales”in məlumatına əsasən, rusiyalı səyahətçilər ölkə daxilində, Türkiyə, Belarus, Ermənistan, Çexiya, Niderland, Latviya, İsveç, Polşa, Belçikada və daha 13 ölkədə bir həftədən az vaxt keçirir.

Səidə Hüseynova