“Milli azlıqların bədii yaradıcılıq antologiyası” təqdim olunub
Qubada “Milli azlıqların bədii yaradıcılıq antologiyası” kitabı təqdim olunub. Oktyabrın 17-də Quba Mədəniyyət Evinin Mərkəzləşdirilmiş Kitabxana Sisteminin ev sahibliyi elədiyi tədbiri Qeyri-Hökumət Təşkilatlarına Dövlət Dəstəyi Şurası ilə Azərbaycan Yaradıcılıq Fondu (AYF) “Azərbaycanda yaşayan milli azlıqların söz yaradıcılıqları” layihəsi çərçivəsində keçiriblər.
Tədbir iştirakçılarına “Milli azlıqların bədii yaradıcılıq antologiyası” kitabı barədə geniş məlumatı “Ay işığı” ədəbi məclisinin sədri, şair Ramiz Qusarçaylı çatdırıb.
Çıxış edən yazarlar Cəlaləddin Budaqoğlu, Şükür Baxışov, Mirfəttar, Zakir Məmməd “Milli azlıqların bədii yaradıcılıq antologiyası” kitabının çapını böyük hadisə kimi dəyərləndiriblər.
“Multikulturalizm” jurnalının baş redaktoru, yazıçı-publisist Fəxri Uğurlu çıxışında Quba yazarlarının Azərbaycan ədəbiyyatında böyük rol oynadığını qeyd edib.
AYF Aparatının rəhbəri, şair Qismət Rüstəmov ölkədəki multikulturalizm hərəkatından söz açıb.
AYF-nin təşkilat şöbəsinin müdiri Fuad Cəfərov tədbirin keçirilməsində göstərdiyi dəstəyə görə Prezident Administrasiyasına, Qeyri-Hökumət Təşkilatlarına Dövlət Dəstəyi Şurasına, Bakı Beynəlxalq Multikulturalizm Mərkəzinə, Quba Rayon İcra Hakimiyyətinə təşəkkürünü bildirib.
