Ramin Abdulrəhmanov dəfn edilib
Azərbaycan Ordusunun şəhid əsgəri Ramin Şövkət oğlu Abdulrəhmanov sentyabrın 24-də Quba şəhər qəbiristanlığında dəfn olunub.
Əsgər sentyabrın 22-si cəbhə zonasında yerləşən hərbi hissədə yolu azaraq mövqelər arasındakı əraziyə keçib. Həmin ərazidə ermənilər onu vurublar.
Ramin Abdulrəhmanovun meyiti təmas xəttindən sentyabrın 23-də götürülüb. Əməliyyat Beynəlxalq Qızıl Xaç Komitəsi nümayəndələrinin iştirakı ilə baş tutub.
1988-ci ildə Ermənistan Azərbaycanın Dağlıq Qarabağ vilayətini ələ keçirmək üçün təcavüzə başlayıb. 1991-ci ildə ermənilər Dağlıq Qarabağı “müstəqil dövlət” elan edib, müharibə alovlanıb. 1994-cü ildə atəşkəslə dayanan işğalçı müharibədə Ermənistan Dağlıq Qarabağı (Xankəndi şəhəri, Şuşa, Xocalı, Xocavənd, Ağdərə rayonları) və onun ətrafındakı bölgələri (Laçın, Kəlbəcər, Ağdam, Füzuli, Cəbrayıl, Qubadlı, Zəngilan rayonları) ələ keçirib.
