Tanınmış siyasətçi, alim, ictimai xadim Vurğun Əyyub sentyabrın 24-də vəfat edib.

Novator.az bildirir ki, Vurğun Əyyub 1957-ci ildə Tovuz rayonunun Aşağı Quşçu kəndində doğulub. İndiki Azərbaycan Dövlət Pedaqoji Universitetinin filologiya fakültəsini bitirib.

Sabirabad və Tovuz rayonlarında orta məktəbdə, Azərbaycan Dövlət Pedaqoji Universitetində, Türkiyənin Qars şəhərindəki Qafqaz Universitetində, Xəzər Universitetində dərs deyib. Filologiya elmləri namizədidir.

Vurğun Əyyub Azərbaycan Xalq Cəbhəsinin qurucularından və liderlərindən biri olub. Əbülfəz Elçibəyin prezidentliyi dövründə (1992-1993-cü illər) yaradılmış Tələbə Qəbulu üzrə Dövlət Komissiyasına rəhbərlik edib.

1992-ci ildən Müsavat Partiyasının üzvü olub, baş katib, başqanın birinci müavini postlarını tutub.

2015-ci ildən Azərbaycan Demokratiya və Rifah Hərəkatı sədrinin birinci müavini idi.

Allah rəhmət eləsin!