Sentyabrın 24-də Ermənistanın və işğalçı Dağlıq Qarabağ rejiminin hərbi birləşmələri təlimlərə başlayıb. Novator.az-ın məlumatına görə, təlimlər hücum əməliyyatının qarşısının alınması istiqamətində qurulub.

Səhər saat 6-da Ermənistanda şərti hərbi vəziyyətin elan edildiyi, təlimlərə dövlət və bələdiyyə orqanlarının cəlb olunduğu xəbər verilir.

1988-ci ildə Ermənistan Azərbaycanın Dağlıq Qarabağ vilayətini ələ keçirmək üçün təcavüzə başlayıb. 1991-ci ildə ermənilər Dağlıq Qarabağı “müstəqil dövlət” elan edib, müharibə alovlanıb. 1994-cü ildə atəşkəslə dayanan işğalçı müharibədə Ermənistan Dağlıq Qarabağı (Xankəndi şəhəri, Şuşa, Xocalı, Xocavənd, Ağdərə rayonları) və onun ətrafındakı bölgələri (Laçın, Kəlbəcər, Ağdam, Füzuli, Cəbrayıl, Qubadlı, Zəngilan rayonları) ələ keçirib.