Taleyranın “Memuarlar”ı çıxıb. “Məqsədin gücü” təkrar nəşr olunub
“Qanun” Nəşrlər Evində Taleyranın “Memuarlar” kitabı çapdan çıxıb. “Qanun” eyni zamanda Valeri Sinelnikovun “Məqsədin gücü” kitabını təkrar nəşr edib.
Taleyran
“Memuarlar”
Artıq baş vermiş hadisələr haqqında tarix kitablarından da oxumaq olar, həmin hadisələrin müasirlərinin xatirələrindən də. Odur ki, bunlar heç də həmişə üst-üstə düşmür. Böyük Fransa inqilabı və ondan sonra təkcə Fransa krallığını deyil, bütün dünyanı (o vaxt “dünya” – Avropa sayılırdı, Amerikaya isə “Yeni Dünya” deyirdilər) alt-üst edən hadisələr haqqında Taleyranın “Memuarlar”ı təkcə hadisələrin canlı şahidinin deyil, daha çox hadisələri planlaşdıran və ən fəal şəkildə istiqamətləndirən şəxsin hekayətidir.
Bu nöqteyi-nəzərdən kitab ikiqat əhəmiyyətlidir: oxucu həm hadisələrin səbəb-nəticə zəncirini izləyə, həm də bundan da vacib, hadisələrin hərəkətverici yayını, tarix kitablarında haqqında heç nə danışılmayan – hadisələrin kənar nəzərlərdən adətən gizli qalan daxili məntiqini anlaya bilər. Bəşəriyyətin tarixi inkişafına güclü təsir göstərmiş şəxsiyyətlər arasında ən görkəmlilərdən biri olan Taleyranın məntiqi isə çox güclüdür və bizə yalnız, iki yüz ildən sonra olsa da, bunu düzgün başa düşmək qalır.
Kitabı Yaşar Əsədov tərcümə edib.
Kitabın satış qiyməti: 14.90 AZN
Valeri Sinelnikov
“Məqsədin gücü”
Valeri Sinelnikov – tanınmış və təcrübəli psixoterapevt, psixoloq, sadəliyi və müalicəvi effektliliyinə görə minlərlə adama sağlamlığını qaytarmağa, rifahını yüksəltməyə, həyat sevincini dərk etməyə kömək edən unikal psixoloji metodikaların müəllifidir.
Onun kitablarından hələ lazımınca ifadəsini tapmamış instinktiv gücünüzdən qüvvə və enerji toplamaq, öz problemlərinizdən baş çıxarmaq, stress və xəstəliyin nə olduğunu birdəfəlik unutmaq üçün necə istifadə etməyi öyrənəcəksiniz. Kitab müalicəvi gücə malikdir və onun pozitiv təsiri onu əlinizə götürdüyünüz andan başlayır.
Kitabın satış qiyməti: 5.40 AZN
