Mərkəzi Bankın İdarə Heyəti iyulun 26-da uçot dərəcəsini 8,25%-ə düşürüb.

Novator.az bildirir ki, uçot dərəcəsi Mərkəzi Bankın kommersiya banklarına manatla verdiyi borclar üzrə faiz dərəcəsidir. 2018-ci il 9,75%-lə bitib. Bu il fevralın 1-də uçot dərəcəsi 9,25%-ə, martın 15-də 9%-ə, aprelin 26-da 8,75%-ə, iyunun 7-də 8,5%-ə enmişdi.

26 iyul qərarı ilə faiz dəhlizinin yuxarı həddi 10,25%, aşağı həddi 6,25% səviyyəsində rəsmiləşib.