Rusiyada mühacirlər nə qədər artıb?
Rusiya Xalq Təsərrüfatı və Dövlət Qulluğu Akademiyası Qaydar İnstitutu ilə birgə hesabat açıqlayıb. Novator.az bildirir ki, rəsmi bilgiyə görə, Rusiya 2019-cu ilin yanvar-aprel aylarında 98 min nəfər mühacir qəbul edib. 2018-ci ilin ilk dörd ayında ölkəyə gələn mühacirlərin sayı 57,1 min nəfər həddində rəsmiləşmişdi.
Dörd ayda Rusiyaya gələnlərin sayının ötən ilin yanvar-aprel ayları ilə müqayisədə artaraq 173,3 min nəfərdən 218,6 min nəfərə çatdığı vurğulanır.
Hesabatda qeyd olunur ki, Rusiyaya miqrasiya axını MDB ölkələri hesabına 57,4%, digər ölkələrin hesabına 5,2 dəfə artıb.
Rusiyaya ən çox Ermənistan, Ukrayna, Belarus və Moldova vətəndaşlarının gəldiyi, ölkənin əsas miqrasiya donorlarının Qazaxıstan, Ukrayna, Tacikistan və Ermənistan olduğu vurğulanır.
Yanvar-aprel aylarında Rusiyaya Çindən gələnlərin sayında 2,35 dəfə, Serbiyadan gələnlərin sayında 2,17 dəfə, Suriyadan gələnlərin sayında isə 1,93 artımın qeydə alındığı bildirilir.
Səidə Hüseynova
