Əmlak Məsələləri Dövlət Komitəsinin 23 iyul hərracında 27 dövlət əmlakı özəlləşdirilib. Rəsmi məlumata görə, onların arasında yun tədarükü, emalı, yun sapların hazırlanması və əyrilməsi üzrə fəaliyyət göstərən “Yevlax Yun” Açıq Səhmdar Cəmiyyəti də var. Səhm paketi özəlləşdirilən dövlət əmlakının 403,3 min kvadratmetr torpaq sahəsinin, ərazisində inzibati binanın, baş istehsalat korpusunun, keçə sexinin, digər köməkçi bina və qurğuların olduğu bildirilir.
Özəlləşən kiçik dövlət müəssisələrindən biri Astara şəhərindəki “Azərbaycan” kinoteatrıdır. Onun faydalı sahəsi 442,6 kvadratmetrdir.
Hesabata əsasən, 2000-ci ildə buraxılmış “Hyundai Sonata” markalı avtomobilin ilkin hərrac qiyməti 3 min manat olub, iştirakçılar arasında rəqabət son qiyməti 3 min 800 manata yüksəldib.
