Milyarderlər hansı şəhərlərdə məskən salıb?
Daşınmaz əmlak agentliyi “Savills” ən çox milyarderin yaşadığı nəhəng şəhərlərin reytinqini tərtib edib. Novator.az-ın məlumatına görə, ən çox milyarderin yaşadığı şəhər kimi ABŞ-ın Nyu-York şəhəri göstərilir: 85 milyarder.
İkinci yerdə Honkonq (79 milyarder), üçüncü yerdə Rusiyanın paytaxtı Moskva (71 milyarder) gəlir.
İlk beşliyi Çinin paytaxtı Pekin (61 milyarder) və Böyük Britaniyanın paytaxtı London (55 milyarder) tamamlayır.
“Savills”in tədqiqatı göstərib ki, milyarderlərin 83%-i kişilərdir. Həmin kişilərin 89%-i ailəlidir və orta hesabla 3 uşaq sahibidirlər.
Səidə Hüseynova
