Avropalılar ən çox harada dincəlir?
Avropa İttifaqının Statistika Xidməti qitə əhalisinin turist kimi ən çox hansı ölkələrə getdiyini hesablayıb.
Novator.az bildirir ki, hesabata görə, avropalı turistlərin 21%-i dincəlmək üçün İspaniyaya üz tutur.
Populyar istiqamətlər baxımından ikinci yeri İtaliya və Fransa bölüşür. Qitə əhalisinin 12%-i turizm üçün bu iki ölkəyə üstünlük verir.
Statistikaya əsasən, avropalıların 2,3%-i məzuniyyətini ABŞ-da keçirir. Bu ölkəyə səfərin orta müddəti 13 gün, mehmanxanada gecələməyin orta xərci 156 avro göstərilir.
Hesabata görə, avropalı turistlərin 0,9%-i Türkiyədə dincəlir. Səyahət orta hesabla 10 gün çəkir və turist oteldə bir günə orta hesabla 83 avro ödəyir.
Avropalı turistlərin 0,8%-i Tailandı, 0,7%-i Hindistanı seçir. Bu ölkələrdə turistlər orta hesabla 22 gün qalır, mehmanxanada bir günə orta hesabla 91 avro ödəyir.
Səidə Hüseynova
