İyunun 12-də prezident İlham Əliyev və birinci xanım Mehriban Əliyeva əsaslı şəkildə təmir və bərpa olunan “Yanardağ” Dövlət Tarix-Mədəniyyət və Təbiət Qoruğunun açılışında iştirak ediblər. Xəbəri AZƏRTAC yayıb.

“Yanardağ” Dövlət Tarix-Mədəniyyət və Təbiət Qoruğu Abşeron rayonu ərazisindədir. Novator.az xatırladır ki, 2017-ci il dekabrın 29-da prezident “Yanardağ”a baxış keçirmiş, ərazidə şəraitin dözülməz olduğunu bildirmiş, aidiyyəti dövlət qurumlarına qısa müddət ərzində ərazidə Azərbaycan vətəndaşları və turistlər üçün yüksək standartlara cavab verən şərait yaratmaq tapşırığı vermişdi. Ötən il iyulun 17-də İlham Əliyev “Yanardağ”da müasir turizm infrastrukturunun yaradılması məqsədilə Dövlət Turizm Agentliyinə 1,2 milyon manat ayırmışdı.