Azərbaycan Ordusunun mayoru Aqil Akif oğlu Omarov mayın 31-də dəfn edilib.

Aqil Omarov ötən gün səhər cəbhənin Ağdam rayonu istiqamətində düşmənin snayper atəşi nəticəsində şəhid olub.

Report.az-ın məlumatına görə, şəhid mayın 31-də Qaxın Lələpaşa kəndinin qəbiristanlığında torpağa tapşırılıb. Dəfn mərasiminə Qax Rayon İcra Hakimiyyətinin, Müdafiə Nazirliyinin, Səfərbərlik və Hərbi Xidmətə Çağırış üzrə Dövlət Xidmətinin rəsmiləri, hüquq mühafizə orqanlarının əməkdaşları, şəhidin qulluq etdiyi hərbi hissənin əsgər və zabitləri, rayon ictimaiyyətinin nümayəndələri qatılıblar.

Aqil Omarov ailəli olub. Onun iki oğlu var.