8237 nikah, 2718 boşanma…
Dövlət Statistika Komitəsi demoqrafik vəziyyətlə bağlı hesabat yayıb. Novator.az bildirir ki, 2019-cu il martın 1-nə olan statistikaya əsasən, əhalinin 49,9 faizini kişilər, 50,1 faizini qadınlar təşkil edib.
Yanvar-fevral ayları ərzində 23 min 400 doğulan körpə qeydə alındığı, onların 53,5 faizinin oğlan, 46,5 faizinin qız olduğu bildirilir.
İki ayda ölkədə 10 min 248 ölüm halı, 8237 nikah və 2718 boşanma rəsmiləşib.
Daxili İşlər Nazirliyi və Dövlət Miqrasiya Xidmətinin müvafiq qurumları daimi yaşamaq üçün Azərbaycana 278 nəfər gələn, Azərbaycandan isə 226 nəfər gedən qeydə alıb.
Bu il aprelin 6-sı Bakıda Azərbaycanın 10 milyonuncu sakini dünyaya gəlib. Onun valideynləri Ağdərənin Baş Güneypəyə kəndindən məcburi köçkünlər kimi Ağdam rayonunda qeydiyyatdadırlar.
