Vizasız səfər reytinqi
İsveçrənin “Henley & Partners” şirkəti 2019-cu il üçün vizasız səfər reytinqi açıqlayıb.
Novator.az xəbər verir ki, siyahının ilk pillələrində yer alan Yaponiya, Sinqapur və Cənubi Koreya pasportları ilə 189 ölkəyə vizasız səyahət etmək olar.
Almaniya pasportu ilə 188 ölkəyə getmək mümkündür.
Fransa, Danimarka, Finlandiya, İtaliya, İsveç pasportlarının sahibləri 187 ölkəyə səfər edə bilər.
Azərbaycan pasportu ilə 67 ölkəyə vizasız səfər etmək mümkündür.
Rusiya pasportu ilə 118, Gürcüstan pasportu ilə 114, Türkiyə pasportu ilə 110, Ermənistan pasportu ilə 62, İran pasportu ilə isə 41 ölkəyə vizasız girmək hüququ var.
Siyahını İraq və Əfqanıstan qapadır. Bu ölkələrin pasportları ilə 30 ölkəyə vizasız getmək olar.
Səidə Hüseynova
