Avropa İttifaqında plastik qabların istifadəsinə qadağa tətbiq edilir. Novator.az-ın məlumatına görə, Avropa Parlamentinin martın 27-də qəbul etdiyi qərara əsasən, birdəfəlik plastik qablardan (qab-qacaq, kokteyl çubuğu, içki bardaqları, ərzaq konteynerləri, qulaq üçün pambıq çöp) istifadəyə yasaq qoyulur.
Yenilik 2021-ci ildən tətbiq olunacaq.
Yasaq su hövzələrini qorumaq məqsədi daşıyır. Statistika əsasən, dənizlərin çirklənməsində plastik məmulatların payı 80%-dir.
1957-ci ildə yaradılmış Avropa İttifaqının 28 üzvü var: Almaniya, Avstriya, Belçika, Bolqarıstan, Böyük Britaniya, Çexiya, Danimarka, Estoniya, Finlandiya, Fransa, Xorvatiya, İrlandiya, İspaniya, İsveç, İtaliya, Kipr, Latviya, Litva, Lüksemburq, Macarıstan, Malta, Niderland, Polşa, Portuqaliya, Rumıniya, Slovakiya, Sloveniya, Yunanıstan. Böyük Britaniya qurumdan çıxmaq üzrədir.
Səidə Hüseynova
