Dövlət Statistika Komitəsi demoqrafik vəziyyətlə bağlı hesabat yayıb. Novator.az bildirir ki, rəsmi məlumata görə, 2018-ci ildə Azərbaycan əhalisinin sayı 0,8 faiz artaraq 2019-cu il yanvarın 1-nə 9 milyon 981 min 457 nəfərə çatıb. Əhalinin 49,9 faizi kişilər, 50,1 faizi qadınlardır.

Ədliyyə Nazirliyinin qeydiyyat şöbələri 2018-ci ildə 138 min 982 nəfər doğulmuş körpə qeydə alıb.

Ötən il ölkədə 57250 ölüm halı rəsmiləşib, 62484 nikah bağlanıb, 14857 boşanma olub.

Daimi yaşamaq üçün Azərbaycana 3220 nəfər gələn və Azərbaycandan 1580 nəfər gedən qeydə alınıb.