Fevralın 1-dən Ermənistanda baş beyinin işemik insultu üzrə tibbi əməliyyatlar dövlət sifarişi əsasında – pulsuz aparılacaq. Novator.az-ın məlumatına görə, hökumətin bu yöndə proqramının icrası üçün paytaxt Yerevanın iki tibb ocağı – “Erebuni” Tibb Mərkəzi və Birinci Universitet Klinikası seçilib. Həmin xəstəxanalarda trombların məhvi və onların orqanizmdən təcili kənarlaşdırılması, eləcə də baş-beyin damarlarına stend qoyulması əməliyyatları pulsuz aparılacaq.
Belə əməliyyatların qiymətinin 1-4 milyon dram (1 dollar 486 dramdır) olduğu bildirilir.
Ermənistan hökuməti bədxassəli şişlər və ürək damarlarına stend qoyulması üzrə tibbi əməliyyatları da öz üzərinə götürüb. Həmin əməliyyatlar dövlət sifarişi əsasında pulsuzdur.
