Təzə ilin populyar adları
Novator.az 2019-cu ilin yanvar ayında doğulmuş uşaqlara qoyulan adların siyahısına nəzər salıb. Ədliyyə Nazirliyinin təqdim etdiyi statistikaya əsasən, oğlan adları içində Yusif birincidir. Yanvarda 39 uşağa Yusif adı verilib.
Populyar adların onluğunda Əli (33 uşaq), Uğur (31), Hüseyn (30), Məhəmməd (24), Ömər (20), Ayxan (16), Murad və Tuncay (15), Emil (14) adları da var.
Bu il ən çox qoyulan qız adları arasında Zəhra ilk sıradadır: 39 uşaq.
Məryəm adı yanvarda 29, Aylin və Zeynəb adları 24, Ayan və Nuray adları 23, İnci adı 21, Mələk və Nilay adları 18, Dəniz adı 17 uşağa qoyulub.
