İtaliyada pensiya yaşı 5 il endi
İtaliya prezidenti Serco Mattarella pensiya yaşını azaltmaq və işsizlərə, aztəminatlı şəxslərə minimum ödəniş vermək qanununu təsdiqləyib.
Novator.az-ın məlumatına görə, pensiya yaşı 67-dən 62-yə endirilib. Pensiyaya çıxmaq hüququ üçün 38 il əmək stajı tələb olunacaq.
Başqa bir yeniliyə əsasən, işsiz və aztəminatlı şəxslər dövlətdən 780 avro ödəniş alacaqlar. Ailəsində həddi-buluğa çatmamış övladları olan və əlillərin olduğu ailələr üçün daha yüksək məbləğ nəzərdə tutulur. Sosial ödənişi italiyalılar və bu ölkədə 10 ildən artıq yaşayan əcnəbilər ala biləcək.
Səidə Hüseynova
