İş və müavinət hesabatları
2018-ci ildə Əmək və Əhalinin Sosial Müdafiəsi Nazirliyi yanında Dövlət Məşğulluq Xidməti 51 min 774 nəfər işsiz və işaxtaran şəxsi münasib işlərlə təmin edib. Rəsmi hesabata görə, işlə təmin edilənlərin 14 min 700 nəfəri gənclər, 549 nəfəri əlilliyi olan şəxslər, 17 min 879 nəfəri qadınlar, 2686 nəfəri məcburi köçkünlərdir.
Özünüməşğulluq proqramına cəlb edilənlərin sayı 7896 nəfər göstərilir. Biznes planlarını uğurla müdafiə edən 7267 nəfər proqramın iştirakçısı olub.
1022 nəfərin ödənişli ictimai işlərə cəlb edildiyi bildirilir.
2018-ci ildə 2449 nəfərə işsizlikdən sığorta, 6331 nəfərə işsizlik müavinəti ödənib.
2559 nəfər peşə hazırlığına cəlb edilib.
