İtaliya və Almaniya milli futbol çempionatlarında qış tətili başa çatıb. Novator.az-ın məlumatına görə, İtaliyada turnir cədvəlinə 19 oyuna 53 xal yığan “Yuventus” başçılıq edir. 20 oyun keçirən “Napoli” 47, “İnter” 40, “Roma” 33 xal toplayıb.

18 turdan sonra Almaniya çempionatında Dortmund “Borussiya”sı 45 xalla öndədir. “Bavariya” 39, “Borussiya” (Mönhenqladbah) 36, “Leypsiq” 31 xal götürüb.

İspaniya milli futbol çempionatında 20 tur geridə qalıb. “Barselona” 46 xalla liderdir. Onu 41 xalla “Atletiko” izləyir. “Real”ın 36, “Sevilya”nın 33 xalı var.

İngiltərədə 23-cü tura yekun vurulub. Turnir cədvəlinin önündə 60 xalla “Liverpul” dayanır. “Mançester Siti” 56, “Tottenhem” 51, “Çelsi” 47 xal yığıb.

Fransa çempionatında 19 oyuna 53 xal yığan PSJ birincidir. “Lill” 21 oyuna 40, “Lion” 37, “Sent-Etyenn” 36 xal toplayıb.