Ermənistanın yeni parlamentinə sədr müavinləri seçilib. Novator.az-ın məlumatına görə, yanvarın 15-də keçirilən gizli səsvermə nəticəsində hakim “Mənim addımım” blokundan Lena Nazaryan (124 səs alıb) və Alen Simonyan (109 səs alıb), müxalif Çiçəklənən Ermənistan Partiyasından Vaqe Enfiacyan (108 səs alıb) sədr müavini kürsüsünə oturmaq hüququ əldə ediblər.
Parlamentin sədri yanvarın 14-də müəyyənləşib. “Mənim addımım” blokundan Ararat Mirzoyan gizli səsvermədə 131 səs qazanıb.
Ötən il dekabrın 9-da keçirilmiş növbədənkənar parlament seçkisində hökumət başçısı Nikol Paşinyanın “Mənim addımım” bloku qalib gəlib. Blok 132 deputatdan ibarət yeni parlamentdə 88 mandatla təmsil edilir. Çiçəklənən Ermənistan Partiyası 26 mandat, İşıqlı Ermənistan Partiyası 18 mandat götürüb.
