Böyük Britaniyanın “Euromonitor İnternational” təhlil şirkəti turistlər üçün ən cəlbedici şəhərlərin yeni siyahısını açıqlayıb.

Novator.az-ın məlumatına görə, ekspertlər dünyanın 600 şəhərinə edilmiş səfərləri araşdırmaqla 2017-ci ilin 100 ən populyar şəhərinin siyahısını hazırlayıblar.

Siyahıda lider Honkonq şəhəridir. 2017-ci ildə bu şəhər-dövlətə 27,8 milyondan çox turust gəlib.

İkinci yerdə Tailandın paytaxtı Banqkok durur: 22,4 milyondan çox turist.

Britaniyanın paytaxtı London 19,8 milyon turistlə üçüncü pillədə yer alır.

İlk onluqda sonrakı yerlərdə Sinqapur (17,6 milyon turist), Makao (17,3 milyon turist), Paris (15,8 milyon turist), Dubay (15,7 milyon turist), Nyu-York (13,1 milyon turist), Kuala-Lumpur (12,8 milyon turist), Şençjen (12 milyon turist) şəhərləri qərarlaşıb.

Səidə Hüseynova