2019 – qaban ilidir. Novator.az bildirir ki, Azərbaycanın bir çox tanınmış şəxsi həmin il 60 yaşını qeyd edəcək.

Qarabağ müharibəsi veteranı, Azərbaycanın Milli Qəhrəmanı Məhəmməd Həsənov, siyasətçi, Qarabağ müharibəsi veteranı Arif Paşa, müdafiə naziri Zakir Həsənov, prezidentin hüquq mühafizə orqanları ilə iş və hərbi məsələlər üzrə köməkçisi Fuad Ələsgərov, xarici işlər nazirinin müavini Xələf Xələfov, daxili işlər nazirinin müavini İsmət Əliyev, iqtisadçı, Hesablama Palatasının sədri, kənd təsərrüfatı naziri olmuş Heydər Əsədov, diplomat, keçmiş xarici işlər naziri Tofiq Zülfüqarov, Azərbaycan Liberal Partiyasının sədri Əvəz Temirxan, keçmiş baş nazir Surət Hüseynov qaban ili olan 1959-cu ildə doğulublar.

2019-da aktyor, bədii qiraətçi Azad Şükürov, aktrisalar Firəngiz Mütəllimova, Bəsti Cəfərova, Zemfira Nərimanova, aktyor, teatr rejissoru Loğman Kərimov, aktyorlar Məmməd Verdiyev, Ramiz Sərkərov, teatr rejissoru, ssenarist Firudin Məhərrəmov da 60 illik yubileylərini qeyd edəcək.

Azərbaycanın Milli Qəhrəmanı, Qarabağ müharibəsində şəhid olmuş Vasili Əliyev, mərhum şair, jurnalist Akif Səmədin 60 illik yubileyləri 2019-a təsadüf edir.

Yazıçı Çingiz Abdullayev, şair Qəşəm Nəcəfzadə, satirik yazar Mirzə Sakit, jurnalistlər Şəmistan Əlizamanlı, Tahir Rüstəmov, Əlisəftər Hüseynov, Cavid Xaspoladov, Hikmət Xudiyev də qaban ilində – 1959-cu ildə doğulublar.

1959-cu ildə doğulan dirijor Yalçın Adıgözəlov, müğənni Bilal Əliyev, aşıq Gülarə Azaflı 60 yaşa 2019-da çatacaqlar.

Voleybolçu, məşqçi Faiq Qarayev, futbol veteranları Maşallah Əhmədov, Vaqif Sadıqov da 1959-cu ildə anadan olublar.

Əşrəf Fəxri