Novator.az 2018-ci ilin yanvar-oktyabr aylarında doğulmuş uşaqlara qoyulan adların statistikasına nəzər salıb.
10 ayın ən populyar qız adı Zəhradır. Ədliyyə Nazirliyinin təqdim etdiyi statistikaya əsasən, bu il Azərbaycanda Zəhra adını 2008 uşaq alıb.
Populyar adlar onluğunda Nuray (1382 uşaq), Aylin (1304), Məryəm (1284), Zeynəb (1196), Fatimə (1111), Mələk (1059), İnci (985), Dəniz (846), Mədinə də (793) var.
Oğlan adları içində Yusif öndədir. Bu ad 10 ayda 2010 uşağa verilib.
Digər populyar adlar belə sıralanır: Əli (1648 uşaq), Hüseyn (1498), Uğur (1266), Ömər (1244), Məhəmməd (1076), Murad (1054), Ayxan (886), Tunar (776), İbrahim (624).
