Dövlət Miqrasiya Xidmətinin 9 aylıq hesabatı
Dövlət Miqrasiya Xidməti 2018-ci ilin 9 ayına olan statistik məlumatları yayıb. Hesabata görə, yanvar-sentyabr aylarında əcnəbilərin və vətəndaşlığı olmayan şəxslərin olduğu yer üzrə qeydiyyatı ilə bağlı 635 min 922 müraciət rəsmiləşib.
9 ayda ölkədə müvəqqəti olma müddətinin uzadılması, müvəqqəti və daimi yaşamaq üçün icazələrin alınması, vətəndaşlığa qəbul, bərpa, vətəndaşlıqdan çıxma, eləcə də vətəndaşlıq mənsubiyyətinin və qaçqın statusunun müəyyənləşdirilməsi, əmək fəaliyyətinin həyata keçirilməsi üçün iş icazələrinin alınması və mövcud iş icazələrinin müddətlərinin uzadılması yönündə 59 min 745 müraciət daxil olub.
DMX qanunvericiliyin tələblərinin pozulması ilə əlaqədar 15 min 349 qərar qəbul edib.
9812 qərarda ölkə hüdudlarından kənara inzibati qaydada çıxarılmamaqla inzibati cərimə nəzərdə tutulub.
Ölkə ərazisinə girişə məhdudiyyət qoyulma istiqamətində 5081 qərar qəbul edilib.
203 qərar müvəqqəti və daimi yaşamaq üçün sənədin yeni sənədlə əvəz olunmasını, 195 qərar qeydiyyata alınma və qeydiyyatdan çıxarılmada pozuntuları əhatə edib. Əcnəbilərin və vətəndaşlığı olmayan şəxslərin işə cəlb edilməsi qaydasının pozulması ilə bağlı 46, qanunvericiliyin digər müddəalarının tələblərinin pozulması ilə bağlı 12 qərar çıxarılıb.
