2018-ci ilin ötən dövründə Naxçıvan Muxtar Respublikasında keçirilmiş əmək yarmarkalarının nəticələri açıqlanıb. Naxçıvan Muxtar Respublikasının Əmək və Əhalinin Sosial Müdafiəsi Nazirliyi yanında Dövlət Məşğulluq Xidmətindən AZƏRTAC-a bildirilib ki, yarmarkalar vasitəsilə 2137 nəfər işlə təmin olunub.

222 nəfərin peşə hazırlığına, 227 nəfərin ictimai işlərə, 13 nəfərin kvota yerinə göndərildiyi vurğulanır.

Naxçıvan şəhərində səhiyyə işçiləri üçün keçirilən yarmarkada isə 41 nəfərə göndəriş verilib.