UEFA Çempionlar Liqası və Avropa Liqasının qrup raundlarında iki tur arxada qalıb. Novator.az bunu nəzərə alaraq klub reytinqindəki vəziyyəti diqqətə çatdırır.

Reytinq UEFA üzvlərinin Çempionlar Liqası və Avropa Liqasında son beş mövsümdə qazandığı əmsala əsaslanır. Qrup raunduna qədər qələbə 1, heç-heçə yarım xal; qrupda və sonrakı mərhələlərdə qələbə 2, heç-heçə 1 xaldır. Çempionlar Liqasının qrupuna düşmək 4 bonus xalı, 1/8 finala çıxmaq 5 bonus xalı, hər iki turnirin 1/4 finalına, yarımfinalına və finalına yüksəlmək 1 bonus xalı verir. Toplanan xallar qitə turnirlərinə vəsiqə almış ölkə klublarının sayına bölünür və mində bir dəqiqliklə əmsal çıxarılır.

Azərbaycan son beş mövsüm üzrə 18,500 əmsalla 55 UEFA üzvü arasında 27-ci pillədə durur.

Klub reytinqinə İspaniya birincidir: 89,712 əmsal.

2018-2019 mövsümünü Çempionlar Liqasında 32, Avropa Liqasında 48 komanda davam etdirir. Hazırda 1 komanda ilə yarışan Azərbaycan bu mövsüm 1,875 əmsal toplayıb və 36-cı yerdədir.

Mövsümə 5,928 əmsalla Almaniya başçılıq edir.

Rusiya 4,083 əmsal, Qazaxıstan və Belarus 3,500 əmsal, Türkiyə 3,100 əmsal, Ukrayna 2,600 əmsal yığıb.