Hərrac açıqlaması
Əmlak Məsələləri Dövlət Komitəsinin 2 oktyabr hərracında 15 dövlət əmlakı özəlləşdirilib. Rəsmi məlumata görə, çayın ilkin emalı və satışı üzrə fəaliyyət göstərən “Astara Çay-3” Açıq Səhmdar Cəmiyyətinin 30%-lik səhm paketi 86 min 217 manata satılıb.
Masallı rayonunun Qızılavar kəndində sənətkarlıq klubu üçün 25 min manat təklif olunub.
Lənkəran şəhərində yerləşən anbarın satış qiyməti 17 min 500 manat göstərilir.
Bakının Nəsimi rayonunda, Kazımovski küçəsindəki qeyri-yaşayış sahəsinə 60 min manat verilib.
BMW markalı iki avtomobildən biri 15 min manata, digəri 15 min 650 manata sahibini tapıb.
Komitənin oktyabrın 9-da keçirəcəyi hərraca ümumilikdə 67 dövlət əmlakının çıxarıldığı bildirilir. Onların 17-si səhmdar cəmiyyəti, 33-ü kiçik dövlət müəssisə və obyekti, 17-si qeyri-yaşayış sahəsidir.
