Gürcüstan: büdcə layihəsi parlamentə təqdim olunub
Gürcüstan hökuməti 2019-cu ilin dövlət büdcəsi layihəsini parlamentə təqdim edib. Novator.az-ın məlumatına görə, layihədə büdcənin gəlirləri 12 milyard 611,7 milyon lari (1 gürcü larisi 0,651 manatdır), xərcləri 12 milyard 729, 7 milyon lari göstərilir.
Gəlirlərin 9 milyard 565 milyon larisini vergilərin hesabına formalaşdırmaq planlaşdırılır.
2019-cu ildə büdcədən sosial müdafiəyə 2,9 milyard lari, təhsilə 1,3 milyard lari, səhiyyəyə 1,1 milyard lari ayırmaq nəzərdə tutulur.
Layihəyə əsasən, iqtisadi fəaliyyətə 2,1 milyard lari, ictimai asayiş və təhlükəsizliyə 1,1 milyard lari, müdafiəyə 819,4 milyon lari xərclənəcək.
Hökumət 2019-cu ilə 4,5% iqtisadi artım proqnozlaşdırır.
