Mərkəzi Bank oktyabrın 3-də avronun kursunu 1,9681 manata qaldırıb.

Novator.az-ın məlumatına görə, gürcü larisi (0,651 manat), ingilis funt sterlinqi (2,2094 manat), Rusiya rublu (0,026 manat), türk lirəsi (0,2832 manat) ucuzlaşıb.

ABŞ dollarının rəsmi qiyməti 1,7 manat həddində qalıb (Məzənnələr). Bu kurs martın 7-dən dəyişmir.

Manatı qorumaq üçün Mərkəzi Bankın yanvar-sentyabr aylarında keçirdiyi valyuta hərraclarında Dövlət Neft Fondu 4 milyard 639,6 milyon ABŞ dolları məbləğində vəsait satıb. Rəsmi hesabatlara görə, yanvarda fonddan 299,1 milyon dollar, fevralda 364,1 milyon dollar, martda 647 milyon dollar, apreldə 802,6 milyon dollar, mayda 422,7 milyon dollar, iyunda 439 milyon dollar, iyulda 536,6 milyon dollar, avqustda 733,7 milyon dollar, sentyabrda 394,8 milyon dollar məbləğində valyuta alınıb.