Bu il doğulan uşaqların 53 faizi oğlandır
Dövlət Statistika Komitəsi demoqrafik hesabat yayıb. Novator.az-ın məlumatına görə, 7 aylıq hesabatda qeyd olunur ki, 2018-ci il avqustun 1-nə Azərbaycan əhalisinin sayı 9 milyon 943 min 226 nəfərə çatıb. İlin əvvəlindən 45141 nəfər artım olub.
Əhalinin 49,9 faizi kişilər, 50,1 faizi qadınlardır, hər 1000 kişiyə 1005 qadın düşür.
Ədliyyə Nazirliyinin qeydiyyat şöbələri yanvar-iyul aylarında 78673 doğulmuş körpə qeydə alıb. Doğulan körpələrin 53 faizi oğlan, 47 faizi qız uşaqlarıdır.
7 ayda ölkədə 34812 ölüm halı, 33009 nikah və 8538 boşanma rəsmiləşib.
Daxili İşlər Nazirliyi və Dövlət Miqrasiya Xidməti daimi yaşamaq üçün 2109 nəfər gələn, 829 nəfər gedən qeydə alıb.
