Azərbaycan əhalisinin sayı 2018-ci ilin əvvəlindən 25 min 18 nəfər artaraq mayın 1-nə 9 milyon 923 min 103 nəfərə çatıb. Novator.az-ın məlumatına görə, Dövlət Statistika Komitəsi bildirir ki, əhalinin 49,9 faizi kişilər, 50,1 faizi qadınlardır.

İlk dörd ay ərzində 44 min 540 doğulan körpə qeydə alınıb. Yeni doğulan körpələr arasında qızların xüsusi çəkisi 46,9 faiz olub. Hər 100 doğulan qıza 113 oğlan düşür. Bioloji norma hər 100 qıza 105-107 oğlandır.

Yanvar-aprel aylarında ölkədə 20 min 406 ölüm halı qeydə alınıb.

17715 nikah və 4868 boşanma rəsmiləşib.

Dörd ayda daimi yaşamaq üçün Azərbaycana 1310 nəfər gəlib, 426 nəfər ölkədən gedib.