Müdafiə Nazirliyinin 12 iyun məlumatına görə, raket bölmələri müasir tank əleyhinə idarə olunan raketlərin tətbiqi ilə praktiki atışlar keçirib. Atışlar döyüş şəraitinə maksimal yaxın vəziyyətdə gündüz və gecə vaxtlarında icra olunub.

Müasir və perspektivdə istehsal olunan tanklar, piyadaların döyüş maşınları və digər zirehli texnika, eləcə də mühəndis qurğuları, uzunmüddətli atəş nöqtələri, aşağı hündürlükdə uçan hava hədəfləri, örtüdə və açıq ərazidə yerləşən canlı qüvvənin məhvetmə qabiliyyətinə malik olan komplekslər sutkanın istənilən vaxtında, aktiv və passiv maneələrin istifadəsi şəraitində tətbiq edilə bilər.

Başqa bir rəsmi məlumatda deyilir ki, Azərbaycan və Belarus hökumətləri arasında razılaşma əsasında ölkəyə gətirilən 301 millimetrlik “Polonez” reaktiv yaylım atəş sistemi ordunun silahlanmasına daxil edilib.