Yuxu normasını pozmağın fəsadları
Yaponiya alimləri yuxu normasını pozmağın fəsadlarını araşdırıblar. Novator.az-ın məlumatına görə, araşdırmanın nəticəsi “EurekAlert!” portalında dərc olunub.
Araşdırma göstərib ki, normadan artıq və ya əskik yuxu yaşı 60-ı haqlamış insanlarda əqli zəiflik və vaxtsız ölüm riskini artırır.
Tədqiqatda 1517 insan iştirak edib, alimlər onların səhhətini 10 il izləyiblər. Bu müddətdə 294 nəfərdə əqli zəiflik artıb, 282 nəfər isə dünyasını dəyişib.
Yaşından və cinsindən asılı olaraq gündə 5 saatdan az və ya 10 saatdan çox yatan insanlarda 5-7 saat yatan adamlarla müqayisədə əqli zəiflik və vaxtsız ölüm göstəricisinin daha yüksək olduğu aydınlaşıb.
Səidə Hüseynova
