Dağlıq Qarabağ rejimində yeni təyinatlar
İşğalçı Dağlıq Qarabağ rejiminin başçısı Bako Saakyan yeni təyinatlara imza atıb. Novator.az-ın məlumatına görə, Araik Arutunyanı “dövlət naziri” postundan azad edən Bako Saakyan həmin vəzifəyə Qriqori Martirosyanı gətirib. O, iyunun 6-dək “maliyyə naziri” idi.
Artur Arutunyan “maliyyə naziri” vəzifəsinə təyinat alıb.
“Milli Təhlükəsizlik Xidmətinin” direktoru postunda Arşavir Qaramyanı Samvel Şahramanyan, “Polis rəisi” postunda Kamo Ağacanyanı İqor Qriqoryan əvəzləyib.
“Milli Təhlükəsizlik Xidmətinin” direktor müavini Qaqik Sərkisyan pensiyaya göndərilib.
