Ramin Hacılı və daha bir nəfər tutulub
- 06 İyun 2018
- comments
- Səidə Hüseynova
- Posted in ManşetXəbər
İyunun 6-da Dövlət Sərhəd Xidməti rəsmi məlumat yayıb. Qeyd olunur ki, iyunun 4-də Sərhəd Qoşunlarının Zaqatala sərhəd dəstəsinin hərbi qulluqçuları Balakən rayonunun Mazımqara kəndinin yaxınlığındakı sərhəd zastavasının xidməti ərazisində dövlət sərhədinin pozulmasının qarşısını alıb: “Dövlət sərhədində 2 nəfər Azərbaycan vətəndaşı – 1983-cü il təvəllüdlü Hacılı Ramin Rasim oğlu və 1988-ci il təvəllüdlü Qasımov Fəxrəddin Azad oğlu saxlanıblar.
İlkin araşdırma zamanı Ramin Hacılı ölkədən çıxışına qadağa qoyulması səbəbindən dövlət sərhədindən buraxılış məntəqələrindən ölkə ərazisini tərk edə bilməməsini və sərhəd zastavasının xidməti sahəsindən dövlət sərhədini pozmaqla qanunsuz yolla Gürcüstan ərazisinə keçməyə cəhd etməsini, Fəxrəddin Qasımovun isə bu əməlin həyata keçirilməsində ona köməklik etməsini etiraf edib. Fəxrəddin Qasımov da eyni məzmunlu ifadə verib.
Ramin Hacılı 250 min manat həddində borclarının olmasını, xaricə getməklə bu borcları işləyərək qaytarmağa çalışmasını bildirib.
Saxlanmış şəxslər barəsində cinayət işi başlanıb”.
Novator.az bildirir ki, Ramin Hacılı 1983-cü ildə Füzuli rayonunun Arayatlı kəndində doğulub. Azərbaycan Dövlət İqtisad Universitetini bitirib.
Müxtəlif gənclər təşkilatlarının və partiyaların fəallarından olub. Azərbaycan Avropa Hərəkatının prezidentidir.