Rusiyada narkomaniyanın ən çox və ən az yayıldığı yerlər
“Ayıq Rusiya” federal layihəsi Rusiyada narkomaniyanın hansı bölgədə nə dərəcədə yayıldığını araşdırıb və reytinq cədvəli tərtib edib.
Novator.az-ın məlumatına görə, reytinq 5 meyar əsasında tərtib olunub: narkotik maddələrin qəbulu üzündən ölənlərin sayı; narkomaniyadan əziyyət çəkənlərin sayı; narkotikin təsiri altında cinayət törədənlərin sayı; narkotiklərin qanunsuz dövriyyəsi üzrə qeydə alınmış inzibati hüquqpozmaların sayı; narkotiklərin qanunsuz dövriyyəsi üzrə qeydə alınmış cinayət əməllərinin sayı.
Reytinqə əsasən, narkotik maddələrin qəbulu ilə bağlı ən acınacaqlı vəziyyət Primorsk diyarındadır. Bu sırada sonrakı yerlərdə Saxalin, Kemerovo, Moskva, Çelyabinsk vilayətləri, Yəhudi Muxtar Vilayəti və Sankt-Peterburq şəhəri gəlir.
Narkomaniyanın ən az yayıldığı bölgə isə Arxangelsk vilayətidir. Ən az narkotik qəbul edilən regionlar sırasında Çukot Muxtar Mahalı, Volqoqrad vilayəti, Çeçen Respublikası və Mordoviya Respublikası da var. Bu bölgələrdə narkotikə qarşı effektiv mübarizə aparıldığı vurğulanır.
“Ayıq Rusiya” federal layihəsi çərçivəsində ilk dəfədir belə bir reytinq cədvəli tərtib edilərək açıqlanır.
Səidə Hüseynova
