Rusiyadan ötən il vətəndaşlıq almış əcnəbilərin reytinqi açıqlanıb. Novator.az-ın məlumatına görə, 2017-ci ildə Rusiyadan ən çox vətəndaşlıq alan ukraynalılar olub: 85 min 119 nəfər.

İkinci yerdə qazaxıstanlılar (40 min 718 nəfər), üçüncü yerdə tacikistanlılar (29 min 39 nəfər) gəlir.

Rusiyadan ən çox vətəndaşlıq alan əcnəbilər siyahısında dördüncü pillədə Ermənistan (25 min 144 nəfər), beşinci yerdə Özbəkistan (23 min 334) təmsilçiləri qərarlaşır.

Azərbaycanlılar (10 min 394 nəfər) bu siyahıda moldovalılardan (15 min 473 nəfər) sonra, yeddinci yerdə göstərilir.

Siyahıda sonrakı sıralama belədir: Qırğızıstan (8 min 777 nəfər), Belarus (4 min 92 nəfər), Gürcüstan (2 min 535 nəfər), Türkmənistan (729 nəfər), Türkiyə (475 nəfər), Əfqanıstan (441 nəfər), Suriya (386 nəfər), Vyetnam (331 nəfər), Latviya (166 nəfər), Misir (162 nəfər), Almaniya (158 nəfər), İsrail (133 nəfər), Litva (115 nəfər), Serbiya (104 nəfər).

Reytinq sıralamasında ABŞ (93 nəfər), İtaliya (90) və Çin (73 nəfər) təmsilçiləri də yer alır.

Səidə Hüseynova