Keçmiş SSRİ-də bir gün
1939-cu ildə başlanan İkinci Dünya müharibəsində Sovet İttifaqının və onun müttəfiqlərinin Almaniya üzərində qələbəsi 1945-ci il mayın 9-da rəsmiləşib.
Azərbaycanda mayın 9-u Faşizm Üzərində Qələbə Günü kimi qeyd edilir. Həmin gün istirahət günü olan dövlət bayramları sırasındadır.
Gürcüstanda da mayın 9-u Faşizm Üzərində Qələbə Günü, dövlət bayramıdır.
Novator.az keçmiş SSRİ-nin başqa ölkələrinin də təqviminə nəzər salıb.
Rusiya, Belarus, Qazaxıstan, Qırğızıstan və Türkmənistanda mayın 9-nu Qələbə Günü kimi qeyd olunur.
Ermənistanda mayın 9-u Qələbə və Sülh Bayramı, Moldovada Qələbə və Qəhrəmanlar Günü, Tacikistanda Böyük Vətən Müharibəsində Qələbə Günü, Ukraynada Nasizm Üzərində Qələbə Günü, Özbəkistanda Anım Günü kimi rəsmiləşib.
Adıçəkilən ölkələrdə mayın 9-u qeyri-iş günüdür.
Litva, Latviya və Estoniyada isə mayın 9-u Avropa Günü kimi qeyd edilir və iş günü sayılır.
