Mərkəzi Bank mayın 8-də avronun kursunu 2,0252 manata endirib.

Dəyər itirən ingilis funt sterlinqi banklara 2,3032 manata, türk lirəsi 0,3966 manata satılır.

Gürcü larisinin rəsmi məzənnəsi 0,6949 manata yüksəlib.

ABŞ dollarının (1,7 manat) və Rusiya rublunun (0,0271 manat) qiymətlərində isə dəyişiklik yoxdur (Məzənnələr).

Mərkəzi Bank dolları martın 7-dən 1,7 manat səviyyəsində saxlayır. Novator.az-ın məlumatına görə, bu, manatın devalvasiyaya uğradığı 21 fevral 2015-ci ildən bəri ən uzun sürən rəsmi məzənnədir.

2015-ci il fevralın 20-də dollar banklara 0,7862 manata satılıb. Bir gün sonra Mərkəzi Bank kəskin kurs dəyişikliyinə qərar verib və rəsmi qiymət 1,05 manata yüksəlib. 2015-ci il dekabrın 21-də ikinci devalvasiya baş verib, rəsmi kurs 1,55 manata qalxıb.

2016-cı il 1,5610 manatla başlayıb, 1,7707 manatla sona çatıb.

2017-ci ilin fevralında ilk devalvasiyadan sonra ən yuxarı rəsmi qiymət qeydə alınıb: 1,92 manat. Dekabrın 13-dən 2018-ci il martın 7-dək isə 1,7001 manat məzənnəsi qüvvədə olub.