2018-ci ilin ilk rübündə Azərbaycana 159 ölkənin vətəndaşları səfər edib. Novator.az bildirir ki, Mədəniyyət və Turizm Nazirliyinin yanvar-mart statistikasında Rusiya vətəndaşları 171 min 814 nəfərlə ilk sırada dayanır.

Gürcüstan vətəndaşları ikinci (138 min 909 nəfər), İran vətəndaşları üçüncü (99 min 158 nəfər) yerdə gəlir.

İlk onluqda digər ölkələr belə sıralanır:

Türkiyə – 72 min 733 nəfər

Birləşmiş Ərəb Əmirlikləri – 29 min 317 nəfər

Ukrayna – 11 min 847 nəfər

İraq – 11 min 112 nəfər

Qazaxıstan – 7 min 315 nəfər

Küveyt – 6 min 536 nəfər

Böyük Britaniya – 6 min 105 nəfər.

Yanvar-mart aylarında Azərbaycana İsraildən 5 min 936 nəfər, ABŞ-dan 3 min 102 nəfər, Almaniyadan 2 min 684 nəfər, Çindən 2 min 25 nəfər, İtaliyadan 1881 nəfər, Fransadan 1242 nəfər, İspaniyadan 529 nəfər, Yaponiyadan 548 nəfər, Kanadadan 545 nəfər gəlib.

Statistika