Vahid Qazinin romanı İsveçdə çap olunub
Yazıçı, publisist Vahid Qazinin “Çöl Qala“ romanı İsveçdə nəşr olunub.
“Kirayənişinlər” (“Hyresgäster”) adı ilə “Diktonius Text” nəşriyyatında çapdan çıxan kitabı İsveç dilinə Umeo Universitetinin dosenti Səadət Kərimi çevirib.
“Belə gözəl, təsirli hekayəti oxumağa imkan yaratdığınız üçün Sizə təşəkkür edirəm”. Bu sözləri kitabın naşiri, yazıçı Ulf Diktonius tərcüməçi Səadət Kərimiyə məktubunda yazıb.
Bu, İsveç dilində nəşr olunan sayca üçüncü Azərbaycan romanıdır. 1973-cü ildə Qurban Səidin “Əli və Nino” romanı, 2000-ci ildə isə Çingiz Abdullayevin “Qaranlıq simfoniyası” İsveç dilində çapdan çıxıb.
40-dan çox millətin nümayəndələrinin yaşadığı İsveç dünyanın ən çox kitab oxunan ölkələrindən biridir.
