Ermənistana ən çox haradan gəlirlər?
2017-ci ildə Ermənistanı ziyarət edən turistlərin sayı 18,7% artıb. Novator.az-ın məlumatına görə, Dövlət Turizm Komitəsi bildirir ki, ötən il Ermənistan 1 milyon 494 min 799 turist qəbul edib. 2016-cı ildə turistlərin sayı 1 milyon 260 min nəfər olmuşdu.
Dövlət Turizm Komitəsinin açıqlamasına görə, ötən il Ermənistana daha çox Rusiyadan gəliblər. Gürcüstan ikinci, İran üçüncü, ABŞ dördüncü, Ukrayna beşinci yerdədir.
Vətəndaşları Ermənistanı ziyarət edən digər ölkələr belə sıralanır: Filippin, Fransa, Almaniya, Polşa, Hindistan, Böyük Britaniya, Çin, Birləşmiş Ərəb Əmirlikləri, Suriya, Yaponiya.
