Seçicilərin sayı bilindi
Mərkəzi Seçki Komissiyası seçici siyahılarının dəqiqləşdirilməsini başa çatdırıb. Fevralın 28-də bəyan olunub ki, vahid seçicilər siyahısına 5 milyon 192 min 42 seçici daxil edilib.
Aprelin 11-də Azərbaycanda prezident seçkisi keçiriləcək. Mərkəzi Seçki Komissiyası indiyədək 15 nəfərin prezidentliyə namizədliyinin irəli sürülməsini təsdiqləyib. Hakim Yeni Azərbaycan Partiyasından İlham Əliyev prezidentliyə namizəd kimi qeydə alınıb. Mərkəzi Seçki Komissiyasının 27 fevral qərarında prezidentin namizədliyinin müdafiəsi üçün 40 mindən az olmayan seçici imzası toplanması əsas götürülüb.
