İqtisadiyyat Nazirliyi 2 noyabr 2015-ci ildən “ASAN xidmət” mərkəzləri vasitəsilə lisenziyalar verir. İndiyədək verilmiş lisenziyalar əczaçılıq, tikinti-quraşdırma işləri, özəl tibb, tikintisinə icazə tələb olunan və barəsində məlumatlandırma icraatı tətbiq olunan bina və qurğuların layihələndirilməsi, baytarlıq preparatlarının satışı, maye və təbii qaz təsərrüfatı obyektlərinin quraşdırılması, dağ-mədən işləri, dağ və buruq qazmalarının aparılması, təhlükəli yüklərin nəqliyyat vasitəsilə daşınması, təhsil, bitki mühafizə vasitələrinin və aqrokimyəvi maddələrin idxalı, yanğından mühafizə, qaldırıcı qurğuların, metallurgiya avadanlığının, təzyiq altında işləyən qazanların quraşdırılması və təmiri, rabitə xidmətləri və s. sahələri əhatə edir.

Yanvarın 23-də yayılan rəsmi məlumata görə, Bakıdakı 5 saylı “ASAN xidmət” mərkəzində 5000-ci lisenziya verilib. Sənəd tikintisinə icazə tələb olunan bina və qurğuların tikinti-quraşdırma işləri fəaliyyəti üzrə “AMAL+A” MMC-yə təqdim edilib.