Mətləb Ağanın yeni kitabı işıq üzü görüb
Mətləb Ağanın “Gələcək haqqında xatirələr” adlı yeni kitabı işıq üzü görüb.
“Elm və təhsil” nəşriyyatında nəşr olunan kitaba akademik, Milli Məclisin deputatı, əməkdar elm xadimi Nizami Cəfərov ön söz yazıb. Kitabın redaktoru şair-publisist Dəyanət Osmanlıdır.
Novator.az-ın məlumatına görə, 500 tirajla çıxan kitabda Mətləb Ağanın son illərdə yazdığı “Qırmızı yağışlar nə zaman yağır?”, “Sevgi haqqında demoqogiya və ya Prometey əfsanəsinin gerçək üzü”, “Harinin ikinci intiharı və ya Stanislav Lemin “Solyaris” müəmması haqqında”, “Varavva və çar İrodu nə birləşdirirdi?”, “Mixael Endenin qəribə səyahəti. “Momo” haqqında bəzi qeydlər”, “O gələcək gələcəkmi? Və ya “Homo deus. Sabahın qısa tarixi” barədə bəzi qeydlər” kimi və digər maraqlı esseləri toplanıb.
Kitabı Bakının kitab mağazalarından və rayon-şəhər kitabxanalarından əldə edib oxumaq mümkündür.
“Gələcək haqqında xatirələr” Mətləb Ağanın sayca dördüncü kitabıdır.
