Fransada milli futbol çempionatı qış tətilinə çıxıb. Novator.az-ın məlumatına görə, dekabrın 20-də keçirilən 19-cu turdan sonra PSJ 50 xalla zirvədədir. “Monako” və “Lion” paytaxt Parisi təmsil edən liderdən 9 xal geridir.

“Marsel” qış tətilinə 38 xalla dördüncü, “Nant” 33 xalla beşinci pillədə yollanıb.

Tətil 2018-ci il yanvarın 12-də bitəcək.

Almaniya çempionatı da hazırda tətildədir. 17 turluq ilk dövrədən sonra “Bavariya” 41 xalla önə çıxaraq ən yaxın izləyicisini 11 xal qabaqlayır.

İspaniya çempionatı tətilə dekabrın 19-da start götürmüş 17-ci turdan sonra gedəcək. Hələlik 16 oyunda 42 xal yığan “Barselona” birincidir.

İngiltərə çempionatında 18 turdan sonra 52 xalla “Mançester Siti”, İtaliya çempionatında 17 turdan sonra 42 xalla “Napoli” liderlik edir.