Tüstülənən təyyarənin Bakıda məcburi enişi
- 12 Dekabr 2017
- comments
- Novator.az
- Posted in Xəbər
“British Airways” şirkətinin Boeing-777 təyyarəsi Bakıda məcburi eniş edib.
Hadisə dekabrın 11-də olub.
Mumbay-London istiqamətində uçan təyyarədə tüstülənmə yarandığına görə hava gəmisinin kapitanı Bakıda məcburi eniş etmək barədə qərar qəbul edib.
Heydər Əliyev Beynəlxalq Aeroportunda müvəffəqiyyətlə yerə enən təyyarəyə Bakıda texniki baxış keçirilib.
Təyyarədə 135 sərnişin və 17 heyət üzvü olub.
Öncə kapitan sərnişinlərə təyyarədə qalmağı məsləhət görsə də, sonra onların təyyarəni tərk etməsinə qərar verib.
Texniki baxış keçiriləndən sonra təyyarə uçuşa hazır olub. Lakin ekipajın iş vaxtı bitdiyi üçün heyət üzvləri istirahət ediblər.
Sərnişinlər Bakı aeroportunun tranzit zonasında yerləşdiriliblər. Onlara kömək göstərilib, qida və içkilər verilib.
“British Airways” şirkəti sərnişinləri aparmaq üçün Bakıya yeni təyyarə göndərib və onlar həmin təyyarədə Londona uçublar.
Məcburi eniş edən təyyarənin özü və ekipajı isə Bakıda qalıb.
Heydər Əliyev Beynəlxalq Aeroportundan AZƏRTAC-a bildiriblər ki, ekipaj uçuşa hazır olanda həmin təyyarə də Bakını tərk edəcək.